Mary Robinson atembelea jimbo la Kivu Kusini na kuonyesha mshikamano na wananchi

Kusikiliza /

Bi. Mary Robinson, akizungumza na Dokta Denis Mukwege wa hospitali ya Panzi huko Bukavu, ambayo hutibu wanawake waliokumbwa na ukatili wa kingono. (Picha-MONUSCO)

Mjumbe maalum wa Katibu Mkuu wa Umoja wa Mataifa kwa nchi za maziwa makuu Afrika, Mary Robinson amefanya ziara yake ya kwanza kabisa kwenye eneo la Bukavu, lililoko jimbo la Kivu Kusini, Mashariki mwa Jamhuri ya Kidemokrasia ya Congo, DRC ambako amekuwa na mazungumzo na mamlaka husika na makundi mbali mbali.

Ziara hiyo ni sehemu ya ufuatiliaji wa utekelezaji wa mpango wa amani, usalama na ushirikiano uliotiwa saini mwaka jana huko Addis Ababa na nchi 11 wa Ukanda huo.

Mathalani alikutana na Gavana wa Bukavu Cisihambo na kujadili umuhimu wa kuimarisha usalama kwa kuondoa makundi yaliyojihami na kuyajumuisha kwenye jamii na hivyo kutekeleza mpango wa DDR.

Halikadhalika amesisitiza umuhimu wa kujikita zaidi katika miradi ya maendeleo ili harakati za kuleta amani ziwe na mtazamo chanya kwa maisha ya wakazi wa jimbo hilo la Kivu Kusini.

Bi. Robinson pia alikuwa na mazungumzo na viongozi wa Umoja wa Mataiaf na makundi ya wanawake ambapo alionyesha mshikamano nao hasa alipotembelea hospitali ya Penzi na kukutana na wanawake wahanga wa ukatili wa kingono.

Sambaza

Kipindi Kamili
Kipindi Kamili
Loading the player ...

 

Julai 2014
T N T K J M P
« jun    
 123456
78910111213
14151617181920
21222324252627
28293031