Umoja wa Mataifa kuchunguza athari za matangazo ya biashara kwa haki za utamaduni

Kusikiliza /

Farida Shaheed

Mtaalam maalum wa Umoja wa Mataifa kuhusu haki za utamaduni, Farida Shaheed, amezindua utafiti mpya katika athari za matangazo ya biashara kwenye haki za tamaduni za watu. Utafiti huo utazingatia hasa athari za matangazo hayo kwenye utofauti wa tamaduni na haki za binadamu.

Ataangazia pia athari za ufadhili wa kibiashara kwenye haki miliki za usomi na sanaa, pamoja na vitu vinavyopatikana katika majumba ya makumbusho na masuala mengine.

Ripoti ya utafiti huo itazingatiwa kwenye Mjadala Mkuu wa Baraza Kuu la Umoja wa Mataifa mnamo mwezi Oktoba mwaka huu. Bi Shaheed amesema tatizo moja ambalo matangazo ya biashara yanaweza kuleta kwenye utofauti wa kitamaduni ni pale yanapoathiri haki ya watu kuchagua jinsi wanavyotaka kuishi.

Kipindi Kamili
Kipindi Kamili
Loading the player ...

 

Agosti 2014
T N T K J M P
« jul    
 123
45678910
11121314151617
18192021222324
25262728293031