WHO yahakikisha majeruhi Sudan Kusini wanapata tiba sahihi

Kusikiliza /

Wagonjwa wakipatiwa huduma katika hospitali ya Juba huko Sudan Kusini

Mapigano yanayoendelea nchiniSudan Kusini yamesababisha majeruhi zaidi ya 2,500 ambapo shirika la afya duniani, WHO na wadau wake linahakikisha wanapata matibabu sahihi pamoja na usaidizi wa vifaa tiba vinavyotakiwa.

WHO inasema inahakikisha majeruhi wanaohitaji tiba zaidi wanahamishiwa hospitali zenye uwezo ikiwemo ile yaJubaambako kuna madaktari bingwa wa upasuaji na hata wa tiba za kisaikolojia.

Miongoni mwao ni Dokta Kouassi Rene Kouame ambaye amesema usaidizi huo wa WHO umekuja wakati muafaka kwani bila hivyo wasingeweza kutoa usaidizi stahili akitolea mfano kuwa matibabu  yanahitaji dawa, na vifaa vinginevyo ikiwemo vya kufungia vidonda. Amesema bila msaada wa WHO wasingaliweza kutoa huduma hizo za matibabu.

Mmoja wa wagonjwa walionufaika na mpango huo, Kuol Fhar amesema ameweza kufanyiwa upasuaji wa mkono baada ya kujeruhiwa wakati wa mapigano makali huko Ayod, jimbo la Jonglei.

Wakati mapigano yakizidi kushamiri, Sudan Kusini, WHO inahakikisha imeweka mfumo wa kutambua mlipuko wa magonjwa haraka ili kuweza kuchukua hatua huku wakiratibu wabia wa afya kuhakikisha huduma zinafikia wanaohitaji zaidi.

Kipindi Kamili
Kipindi Kamili
Loading the player ...

 

Oktoba 2014
T N T K J M P
« sep    
 12345
6789101112
13141516171819
20212223242526
2728293031