Hali nchini Syria ni kanganyishi, mazungumzo yatachukua muda: Brahimi

Kusikiliza /

Lakhdar Brahimi, Mjumbe wa pamoja wa Umoja wa Mataifa na Umoja wa nchi za kiarabu kwenye mzozo wa Syria

Serikali ya Syria imekubali kuwaruhusu wanawake na watoto kuondoka katika mji ulozingirwa wa Homs, amesema mjumbe wa pamoja wa Umoja wa Mataifa na Muungano wa Nchi za Kiarabu kuhusu Syria, Lakhdar Brahimi.

Akizungumza na waandishi wa habari mwishoni mwa siku ya pili ya mazungumzo ya ana kwa ana kati ya pande hasimu za serikali na upinzani mjini Geneva, Bwana Brahimi amesema serikali ya Syria imeomba kuwakagua wanaume wote wanaoondoka katika mji huo wa Homs.

 "Serikali inasema wanawake na watoto wanaweza kuondoka mji wa Homs wakati wowote wanapotaka. Imeomba orodha ya raia ili ihakikishe kuwa kweli ni raia na siyo watu wenye silaha."

Bwana Brahimi amesema msafara wa shehena za misaada ulikuwa tayari kuwafikishia watu walonaswa kwenye mji wa Homs misaada, akiongeza kuwa makundi yenye silaha mjini humo yameahidi kuipisha misafara hiyo kwa njia salama.

"Tunataaji kuwa misafara hiyo itaingia kesho. Watu wenye silaha kwenye mji wa kale wa Homs wametuambia sisi na wengine kuwa hawatosimamisha misafara ya misaada. Wafanyakazi wenzetu wa Umoja wa Mataifa wamezungumza na Gavana wa Homs na uamuzi haujafanywa bado. Ili kuzungumza kesho, acha tusubiri tuone. Subiri tuanze, na kasha tutakwambieni kilichofanyika"

Mkutanow wa Jumapili umeangazia uwezekano wa kuwaachia huru watu wanaozuiliwa na serikali na makundi ya waasi. Bwana Brahimi amesema upande wa upinzani umekubali kuandaa orodha ya mateka wake wa vita.

"Tumekuwa tukitoa wito kwa serikali kuwaacha wanawake, watoto na wazee walio kizuizini. Serikali imeomba upinzani kutoa orodha ya watu wote walio kizuizini mikononi mwa makundi yote yenye silaha na upinzani umekubali kuwa utajaribu kukusanya orodha hizo ambazo zimeombwa na makundi ambayo yapo chini ya mamlaka yake au wanayozungumza nayo."

Bwana Brahimi amesema mzozo wa Syria umekuwa kanganyishi mno, na kwamba ni mapema sana kubashiri mazungumzo ya amani yatachukuwa muda gani.

Tumekwenda kwa mazungumzo haya tukiwa tumeyafungua macho  yetu. Hali ni ngumu sana. Kanganishi. Hali iliyopo Syria imekuwa ikiendelea kwa kuzorota kwa muda mrafu sana, na kuiondoa Syria kutoka shimoni ilimotumbukia itachukua muda. Aghalabu nimeshutumiwa kuwa nina mwendo wa pole sana. Lakini nadhani kwenda pole ni njia bora ya kwenda haraka na kuepuka uharibifu, kwani unaweza kwenda haraka na kupata ufanisi kwa saa moja, lakini ukapoteza wiki nzima. Sasa nadhani harakati zinaendelea, lakini ni mapema sana bado."

Mazungumzo hayo yataendelea Jumatatu, wakati pande hizo mbili zikitarajiwa kuanza mazungumzo kuhusu vipengee vya matokeo ya mkutano wa Geneva wa Juni 2012, ambao ulitaka iundwe serikali ya mptito yenye mamlaka yote ya utawala.

Kipindi Kamili
Kipindi Kamili
Loading the player ...

 

Julai 2014
T N T K J M P
« jun    
 123456
78910111213
14151617181920
21222324252627
28293031