UNMISS yakaribisha kutengamaa kwa hali ya usalama Juba

Kusikiliza /

 

Ujumbe wa Umoja wa Mataifa nchini Sudan Kusini, UNMISS umesema kuwa umeshuhudia hali kutengamaa kwa kiasi kikubwa mjini Juba leo, na hivyo kuruhusu wafanyakazi wake kuanza tena kutembea mjini asubuhi ya leo.

Taarifa kutoka UNMISS imesema ujumbe huo umeanza tena kuweka doria kwa kiwango kidogo mjini Juba, pamoja na kurejesha shughuli za usafiri wa ndege kwenda na kutoka Entebbe, Uganda. Taarifa hiyo pia imesema maisha katikati ya mji wa Juba yanarejelea hali ya kawaida. Hata hivyo, usalama wa raia katika mji huo mkuu wa Sudan Kusini bado ni suala la kuhofia, hususan katika vitongoji vilivyopo nje ya mji.

Mkuu wa UNMISS, Hilde Johnson ametoa wito kwa serikali ya Sudan Kusini kufanya kila iwezalo kumaliza ghasia zozote zinazoendelea, na kuhakikisha kuwa raia wanahisi tena kuwa salama kote mjini, nila kujali asili yao ya kikabila.

Kipindi Kamili
Kipindi Kamili
Loading the player ...

 

Julai 2014
T N T K J M P
« jun    
 123456
78910111213
14151617181920
21222324252627
28293031