UNICEF yasaka mabilioni ya dola kuwanusuru watoto Syria

Kusikiliza /

Watoto wa Syria

Shirika la Umoja wa Mataifa linalohusika na watoto UNICEF linahitaji dola Milioni 835 kwa mwaka ujao ili kufanikisha mpango wa utoaji misaada ya dharura kwa mamia ya watoto walioathirika na mapigano nchini Syria. Taarifa zaidi na Assumpta Massoi.

(Ripoti ya Assumpta)

Kiasi hicho ni ongezeko la asilimia 77 ikilinganishwa na ombi la mwaka uliopita, lakini ni kikubwa zaidi kuwahi kuombwa na moja ya mashirika ya Umoja wa Mataifa katika historia ya miaka 67 ya kuasisiwa kwa Umoja huo.

Mapigano yanayoendelea sasa nchini Syria yamesababisha mamia ya raia kupoteza makazi huku hali ya uchumi ikiendelea kuanguka.Inakadiriwa kwamba hali inaweza kuwa mbaya zaidi hapo mwakani. Nchini Syria kwenyewe  UNICEF inasema kuna watoto zaidi ya milioni 4 wanaohitaji misaada ya haraka na wengine milioni Moja wako nje ya Syria.

Akizungumza kwenye ufunguzi wa kampeni ya kusaka fedha hizo,Naibu Mkurugenzi Mtendaji wa UNICEF Yoka Brandt alisema watoto wanaendelea kutaabika kutokana na misukosuko inayoendelea duniani na kwamba zaidi ya watoto milioni 14 wamekwama kwenye maeneo mbalimbali wakihitaji usaidizi.

Amesema watoto hao wako Syria na Jamhuri ya Afrika ya Kati ambako kuna machafuko yanayoendelea bila kusahau Ufilipino.

Kipindi Kamili
Kipindi Kamili
Loading the player ...

 

Julai 2014
T N T K J M P
« jun    
 123456
78910111213
14151617181920
21222324252627
28293031