IAEA na Iran zatangaza utaratibu wa ushirikiano

Kusikiliza /

Yukiya Amano IAEA

Mkurugenzi Mkuu wa Shirika la Kimataifa la Nguvu za Atomiki, IAEA, Yukiya Amano na Makamu wa Rais wa Jamhuri ya Iran, wametoa tangazo la pamoja la makubaliano ya utaratibu wa ushirikiano kuhusu suala la mpango nyuklia nchini Iran.

Tangazo hilo limesema IAEA na Iran zimekubaliana kuimarisha ushirikiano wao na mazungumzo yenye lengo la kuhakikisha mpango wa nyuklia wa Iran ni wa amani pekee, kwa kutatua masuala yote yenye utata ambayo hayajatatuliwa na IAEA.

Kwa mantiki hiyo, Iran imekubali kuwa katika miezi mitatu ijayo, itashirikiana na IAEA katika shughuli za shirika hilo za kuhakiki na kutatua masuala yote ya sasa na ya zamani, ikiwemo kutoa taarifa kwa IAEA kuhusu mitambo yake ya nyuklia, na katika kutekeleza hatua za uwazi.

Kwa upande wake IAEA imekubali kuendelea kuzingatia hofu ya kiusalama ya Iran, ikiwemo udhibiti na utunzaji wa habari za siri.

Kipindi Kamili
Kipindi Kamili
Loading the player ...

 

Aprili 2014
T N T K J M P
« mac    
 123456
78910111213
14151617181920
21222324252627
282930