Ban akutana na Waziri Mkuu wa Poland

Kusikiliza /

KM Ban na Waziri Mkuu wa Polanda, Donald Tusk

Katibu Mkuu wa Umoja wa Mataifa, Ban Ki-Moon, amekutana na kufanya mazungumzo na Waziri Mkuu wa Polanda, Donald Tusk, pembezoni mwa mkutano wa kimataifa kuhusu mabadiliko ya tabianchi, ambayo yanaendelea nchini humo katika mji mkuu, Warsaw.

Katika Mkutano wa pamoja na waandishi wa habari, Bwana Ban na Waziri Tusk wamejadili kuhusu jinsi ya kuimarisha zaidi ushirikiano uliopo kati ya Poland na Umoja wa Mataifa, na kuipongeza Poland kwa mchango wake kwa Umoja wa Mataifa, kama taifa ambalo mfano wake wa kufanikiwa kujikwamua kisiasa na kiuchumi unaweza kuigwa na mataifa mengine.

Viongozi hao wawili pia wamejalijadili suala la mzozo wa Syria, ambapo Bwana Ban ameutaja mkutano wa kidiplomasia anaouandaa kuhusu nchi hiyo kama matumaini ya mwanzo wa kikomo cha mapigano.

Pia wamegusia janga la hivi karibuni Ufilipino, na lile la kimbunga hapo jana huko Sardinia, Italia, pamoja na suala zima la mabadiliko ya tabianchi. Bwana Ban amesema wote wanatambua kuwa ushirikiano unahitajika katika kukabiliana na suala la mabadiliko ya tabianchi, kwani linamuathiri kila mmoja.

Kipindi Kamili
Kipindi Kamili
Loading the player ...

 

Septemba 2014
T N T K J M P
« ago    
1234567
891011121314
15161718192021
22232425262728
2930