Saudi Arabia yakumbwa na virusi vya nCoV:WHO

Kusikiliza /

Virusi vya nCoV vyagundulika, Sudia Arabia

Wizara ya afya nchini Saudia Arabia imeliarifu shirika la afya duniani kwamba imebaini visa vipya saba vya maambukizi ya virusi vijulikanavyo kama novel corona (nCoV) vinavyoshambulia mfumo wa hewa. Virusi hivyo vimesababisha vifo vya watu watano.

Wagonjwa wawili kati ya hao saba hivi sasa wako katika hali mahtuti, na serikali inafanya uchunguzi kujua chanzo cha mlipuko huo.

Uchunguzi wa awali unaonyesha kwamba sio safari wala maingiliano na wanyama yaliyochangia visa hivyo.

Kuanzia Septemba mwaka 2012 hadi sasa WHO imearifiwa visa 24 vilivyothibitishwa katika maabara kote duniani na vifo 16 vya binadamu kutokana na virusi vhivyo ambavyo hushambulia mfumo wa hewa.

WHO inazichagiza nchi wanachama kuwa makini zaidi kubaini maradhi yanayoshambulia mfumo wa hewa na kutoa taarifa haraka.

Glen Thomas ni msemaji wa WHO

(SAUTI YA GLEN THOMAS)

Kipindi Kamili
Kipindi Kamili
Loading the player ...

 

Agosti 2014
T N T K J M P
« jul    
 123
45678910
11121314151617
18192021222324
25262728293031