Ban asisitiza utulivu wakati kukiripotiwa kutokea mashambulizi ya angani nchini Syria

Kusikiliza /

Katibu mkuu wa UM, Ban Ki-moon

Katibu Mkuu wa Umoja wa Mataifa Ban Ki-moon amesema kuwa ameingiwa na wasiwasi kufuatia ripoti ya kufanyika kwa mashambulizi ya anga nchini Syria yaliyodaiwa kufanywa na ndege ya Israel.

Huku akisisitiza juu ya kile alichosema kuwa Umoja wa Mataifa bado hauna taarifa za moja kwa moja juu ya tukio hilo, Ban ametoa wito wa kujiepusha na hali yoyote inayoweza kuzorotesha usalama.

Ripoti za vyombo vya habari zimearifu mfululizo wa milipuko iliyojitokeza katika mji mkuu wa Damascus nyakati za asubuhi .

Televisheni ya Syria imesema kuwa mashambulizi hayo yameendeshwa na ndege ya Israel ambayo yalilenga kituo cha kijeshi. Hata hivyo Ban amesisitiza kuwa, Umoja wa Mataifa bado unafuatilia tukio hilo lakini amerejelea wito wa kuzingatia maazimio ya kimataifa.

Kipindi Kamili
Kipindi Kamili
Loading the player ...

 

Novemba 2014
T N T K J M P
« okt    
 12
3456789
10111213141516
17181920212223
24252627282930