Helikopta mbili za MONUSCO zashambuliwa huko GOMA

Kusikiliza /

Helikopta ya MONUSCO

Ujumbe wa kulinda amani wa Umoja wa Mataifa huko Jamhuri ya Kidemokrasi ya Congo, DRC, MONUSCO umesema helikopta zake mbili zilishambuliwa Jumatano usiku kaskazini mwa mji wa Goma.

Taarifa ya MONUSCO inaeleza kuwa helikopta hizo zilikuwa katika safari zake za kawaida za kuthibitisha ubora wake wa kuruka ambapo moja ilishambuliwa huko Kibumba na nyingine Kanyamahoro, maeneo ambayo yote yanadhibitiwa na kundi la waasi la M23.

MONUSCO imesema mashambulizi hayo yaliripotiwa na watendaji wa kikosi cha pamoja cha kufuatilia usalama wa mipaka, JVM huko Goma.

Matumizi ya helikopta hizo ambazo sio za kijeshi ni kusafirisha watendaji wa Umoja wa Mataifa na raia kwa ajili ya matibabu.

MONUSCO imerejelea wito wake kuwa walinda amani wako katika eneo mahsusi wakifanya kazi yao ya amani na hivyo mashambulizi yoyote dhidi yao ni kitendo cha uhalifu. Imesema wahusika wa mashambulio hayo watashtakiwa na sheria itachukua mkondo wake.

Kipindi Kamili
Kipindi Kamili
Loading the player ...

 

Agosti 2014
T N T K J M P
« jul    
 123
45678910
11121314151617
18192021222324
25262728293031