Katibu Mkuu ataka mapigano Ukanda wa Gaza yasitishwe

Kusikiliza /

Katibu Mkuu Ban Ki-moon

Katibu Mkuu wa Umoja wa Mataifa Ban Ki-Moon ametoa taarifa yake kuhusu mapigano yanayoendelea huko Ukanda wa Gaza kati, na kuelezea kusikitishwa kwake na vifo vya raia vinavyoendelea kuripotiwa na kutaka pande husika ziache mara moja mapigano hayo.

Bwana Ban amesema kuendelea kwa mapigano hayo kutasababisha ongezeko la machungu kwa raia hususan wanawake na watoto hivyo ametaka Israeli na Palestina kutoa ushirikiano kwa jitihada zinazoongozwa na Misri za kusitisha mapigano.

Amelaani mashambulizi ya maroketi na makombora dhidi ya maeneo ya raia na kusema kuwa mashambulizi ya aina yoyote kati ya pande mbili hizo hayataufanya upande wowote kuwa salama na hivyo ametaka kusitishwa kwa mashambulizi hayo.

Katibu Mkuu huyo amesema yeye binafsi atafika Mashariki ya Kati kusihi pande husika kumaliza mgogoro huo.

Kipindi Kamili
Kipindi Kamili
Loading the player ...

 

Julai 2014
T N T K J M P
« jun    
 123456
78910111213
14151617181920
21222324252627
28293031