Ghasia na ukatili katika mzozo wa Syria vimefikia viwango vya kupindukia: Ban

Kusikiliza /

Katibu Mkuu Ban Ki-moon

Katibu Mkuu wa Umoja wa Mataifa Ban Ki-moon, amesema mzozo wa Syria, ambao sasa umeingia mwezi wa 21, umefikia viwango vipya vya kushangaza vya ukatili na machafuko.

Bwana Ban amesema hayo wakati akilihutubia Baraza la Usalama la Umoja wa Mataifa, ambalo pia limehutubiwa na Mwakilishi maalum wa pamoja wa Umoja wa Mataifa na jumuiya ya nchi za Kiarabu, Lakhdar Brahimi. Bwana Ban amesema, serikali ya Syria imeongeza moto katika kampeni yake ya kuyafyeka maeneo yote ya upinzani, na kuongeza mashambulizi yake ya angani na mizinga, huku upinzani ukijibu.

Bwana Ban amesema ingawa Umoja wa Mataifa hauwezi kuthibitisha kihuru takwimu zilizopo sasa, inakadiriwa kuwa hadi watu 40, 000 wameuawa. Ukiukaji wa haki za binadamu unatekelezwa kwa viwango vya kupindukia na pande zote katika mzozo.

Ameelezea huzuni yake na kulaani vikali mauaji ya kikatili ya raia kila siku, akisema kwamba ukatili dhidi ya ubinadamu ni lazima ukomeshwe, na wahusika kuwajibika.

Kipindi Kamili
Kipindi Kamili
Loading the player ...

 

Julai 2014
T N T K J M P
« jun    
 123456
78910111213
14151617181920
21222324252627
28293031