UNHCR yatoa mwongozo wa kuwalinda wanaume wanaobakwa

Kusikiliza /

kuwasaidia wanaume wanaonyanyaswa

Kwa mara ya kwanza Shirika la Umoja wa Mataifa la kuhudumia wakimbizi, UNHCR limetoa mwongozo utakaosaidia kuwatambua na kuwasaidia wanaume waliokumbwa na visa vya kubakwa au manyanyaso ya kingono katika mazingira ya migogoro na ukimbizi.

Mwongozo huo ulioandaliwa na kitengo cha usalama wa kimataifa cha UNHCR utatumiwa na wafanyakazi wa shirika hilo na wale wa msaada na umezinduliwa hivi karibuni mjini Geneva, Uswisi katika mjadala juu ya suala hilo ambalo ni nadra kutajwa.

Naibu Mkurugenzi wa kitengo hicho Louise Aubin amesema wametoa mwongozo huo kwa sababu ni muhimu kujifunza jinsi ya kutangamana na waathirika wa vitendo vya ubakaji na kuondoa vikwazo vyovyote vya kuripoti matukio hayo ili waathirika waweze kupata msaada bila kujali jinsi yao.

Mjadala huo ulioshirikisha wanaharakati wanawake na wanadiplomasia ambapo Profesa Sandesh Sivakumaran kutoka Chuo Kikuu cha Nottingham nchini Uingereza amesema manyanyaso ya kingono na kijinsia dhidi ya wanaume na wavulana hutajwa kwa kifupi sana katika ripoti wakati ambapo suala la ubakaji siyo la jinsi moja pekee na kwamba inapaswa kutambuliwa kuwa ubakaji ni mateso na kubakwa ni kubakwa.

Hata hivyo mpaka sasa hakuna takwimu za kina kuhusu idadi ya wanaume waliokumbwa na vitendo hivyo

Kipindi Kamili
Kipindi Kamili
Loading the player ...

 

Aprili 2014
T N T K J M P
« mac    
 123456
78910111213
14151617181920
21222324252627
282930