Maeneo ya Kati na Kusini mwa Sudan yakumbwa na Homa ya manjano

Mkurupuko wa homa ya manjano umewaua watu 32 katika maeneo ya kati mwa Sudan na Darfur, kwa mujibu wa Shirika la Afya Duniani, WHO. Tangu wiki ya kwanza ya mwezi Oktoba, jumla ya watu 84 wanakadiriwa kuathiriwa na ugonjwa huo.

Shirika la Afya Duniani linasema lilijulishwa kuhusu mlipuko wa maradhi hayo na wizara ya afya ya Sudan mnamo Oktoba 29. Juhudi za kuwapa watu chanjo kwa halaiki zinaendelea kufanywa, ili kuwapa kinga hasa wale waliomo hatarini zaidi katika eneo la Darfur.

Wizara hiyo ya afya pia imesema imefanya udhibiti wa mbu wanaosambaza ugonjwa huo kuwa suala la kipaumbele, pamoja na kuongeza ufahamu wa umma kuhusu jinsi ya kujikinga au kuzuia ugonjwa huo.

Homa ya manjano husambazwa na mbu, na haina tiba inayojulikana kuitibu homa hiyo, ingawa chanjo ndiyo njia inayojulikana kuwa muhimu zaidi katika kuzuia maambukizi. Matumizi ya chandarua na dawa za kuzuia mbu ni njia mojawapo za kudhibiti usambazaji. WHO inasema inashirikiana na wizara ya Afya Sudan na wadau wengine kuweza kuudhibiti ugonjwa huo haraka.

Kipindi Kamili
Kipindi Kamili
Loading the player ...

 

Julai 2014
T N T K J M P
« jun    
 123456
78910111213
14151617181920
21222324252627
28293031